2026-nji ýylyň «Garaşsyz, Baky Bitarap Türkmenistan: Bedew batly at-myradyň mekany» ýyly diýlip atlandyrylmagy halkymyzyň agzybirligini hem-de asylly arzuw-niýetleriniň myrada gowuşýan döwrüni alamatlandyrýar. Bu şygar ýurdumyzyň her bir ugrudaky täze sepgitlerini we rowaçlyklaryny özünde jemleýär.
Mary Welaýat kitaphanasy 1912-nji ýylda döredilýär. Kitaphana ýerli şertlere görä, okyjylaryň dürli toparlaryna kitaphana hyzmatyny köpçülikleýin, toparlaýyn we ýekebara usullarda ýola goýýar. Kitaphananyň täze, häzirki zaman binasy Türkmenistanyň Prezidentiniň 2010-njy ýylyň 15-nji ýanwaryndaky kararyna laýyklykda gurlup, täze bina 2011-nji ýylyň 20-nji oktýabrynda dabaraly açyldy. Kitaphananyň täze binasynyň umumy tutýan meýdany 13 müň 700 inedördül metr. Binanyň beýikligi 42 metr, ini 66 metr, gapdal uzynlygy 66 metr. Binada neşir önümlerini saklamak üçin niýetlenilen 3 million neşir birligi ýerleşer ýaly uly gaznahana, kiçi çaphana, rejeleýiş we dikeldiş bölümi üçin niýetlenilen aýratyn iş otaglary, kitaphana hyzmatyny guramak hem-de kitaphananyň ýörite bölümleriniň işini talabalaýyk ýola goýmak üçin ähli mümkinçilikler we şertler döredilen otaglar, okalga zallary, nternet zaly, çagalar otagy, Gündogar äheňinde, milli ruhda bezelen aksakgal ýaşulular üçin niýetlenilen aýratyn okalga zaly, ýörite bölümleriň iş otaglary, golasty gazna üçin gaznahanalar, okyjylary hasaba almak we kitap bermek boýunça ýörite beketler ýerleşdirilen, şeýle-de kitaphanada “Türkmen kitabynyň taryhy” muzeýi bar, kitaphananyň üçegi 26 metr beýiklikde bolup, ol ýerde açylyp-ýapylýan gümmez bar, binada obserwatoriýa üçin niýetlenilen otag, kompýuter enjamlary we Germaniýa Respublikasynda öndürilen agramy 3,5 tonna bolan teleskop enjamy oturdylan.
Umumumy okalga zaly. Bu
okalga otagda umumumy görnüşli edebiýatlar ýerleşdirilen.
Umumy okalga otagynda açyk gazna bar ol ýerden okyjylar
özlerine gerek bolan ensiklopediýalary sözlükleri alyp
okap biýarler. Sergilerinde bolsa Hormatly Prezidentimiziň
kitaplary, çeper edebiýata degişli kitaplar, kanunlar we
kararlar ýerleşdirilen.
Internet zaly. Internet
otagynda okyjylar internediň üsti bilen özlerine gerek
bolan kitaplaryň elektron görnüşlerini okap bilýarler.
2016-njy ýylda Ýurdumyzyň kitaphanalaryny bütewi elektron
ulagyma birikdirmek hakyndaky karary esasynda ähli
kitaphanalarda elektron kitaphana ulgamy hereket edip
başlaýar.
Komýuter zaly. Bu okalga
otagymyz tebigy ylymlara fizika matematika biologiýa
degişli edebiýatlary okamak üçin niýetlenendir.
Sergilerinde hem-de açyk gaznadan peýdalanyp gerekli bolan
kitaplary okap bilersiniz.
Çagalar okalga zaly.
Çagalar üçin niýetlenen bu otagda çagalar üçin ähli
mümkinçilikler döredilen. Bu ýerde çagalar üçin ertekiler
hekaýalar sergilerde ýerleşdirilen. Mundan başgada paýhas
tagtasy bar. Paýhas tagtasynyň kömegi bilen çagalara dürki
oyunlary, multfilmleri görkezmek üçin niýetlenendir.
Syýasy okalga zaly. Bu
okalga otagynda Hormatly prezidentimiziň ýazan kitaplary
ýerleşdirilen. Mundan başgada açyk gaznasy bar. Onda hem
syýasy mazmunly kitaplar ýerleşdirilen.
Galkynyş otagy. Galkynyş
otagynda Galkynyş kitap merkezi tarapyndan kitaphana
berlen kitaplar ýerleşdirilen. Galkynyş otagy okalga zal
bolman ol ýerde köplenç kiçiräk maslahatlar,
konferensiýalar, duşuşyklar geçirmek üçin
niýetlenendir.
Ýaşulylar üçin okalga zaly.
Ýaşulylar üçin okalga otagy ýörite ýaşuly neslimiz üçin
gündogar äheňinde gurnalan okalga otagy bolup ol ýerde
ýaşulylarymyzyň kitap okamagy medeniýetli dynç almagy üçin
ähli mümkinçilikler döredilendir. Bu okalga otagynda ähli
pudaklara degişli edebiýatlar ýerleşdirilen esasanam
ýaşuly nesillerimiziň okaýjak kitaplary çeper eserler,
taryhy kitapar, Hormatly Prezidentimiziň kitaplary bar.
